Америка оқ капалаги (Гипантриа кунеа) ташқи карантин зараркунанда ҳисобланиб 230 дан ортиқ ўсимликларни асосан дарахт ва буталарни зарарлайди шунингдек, олма, тут, олхўри ва олча дарахтлари баргларини зарарлайди ҳамда дарахтларни совуқга чидамлигини пасайтиради. Зараркунанда даслтаб Шимолий Америка давлатларида пайдо бўлган ҳозирги вақтда қўшни Қозоғистон ва Қирғизистон республикаларида тарқалган. Америка оқ капалаги қанотлари кенглиги 20-36 мм, тана узунлиги 9-15 мм., қуртларини ўлчами 30-40 мм., қанотлари оқ, камдан кам ҳолларда тўқ жигарранг ёки қора доғлари мавжуд. Минимал ҳаво ҳарорат +12, оптимал ҳаво ҳарорат +240 ва ҳавони нисбий намлиги 75% етганда ривожланиши учун қўлай ҳисобланади. Россия федерациясида май ойида яъни олма дарахтлари гуллаган вақтда капалаклари тарқалаша бошлаши аниқланган. Зараркунанда йилига 3 марта авлод беради ва 2-авлоди нисбатан хавфли ҳисобланди. Зараркунадани сонини ва зарарини камайтиришда махсус (дельта) феромон тўтқичларни 1,5-2 м баландликда, ҳаво ҳарорати 150 бўлганда ва мевали боғлар гуллаган вақтдан то вегетация охирига қўйилиши мумкин. Битта феромон тўтқични 4-6 ҳафта давомида кузатилади ва феромон тўтқичларни елимли қоғозини (ифлосланланган даражасига қараб) 2-4 ҳафта ўтганда алмаштирилиши лозим. Зараркунандани популациясини мониторинг қилишда гектарига 1-2 дона, кучли зарарланган майдонларда зарарни камайтириш учун гектарига 15-50 донадан қуйиш мумкин. Феромон тўтқичларни оралиқ масофаси 10 метрдан кам бўмаслиги тавсия этилган. Биологик қарши курашда Bacillus thuringiensis var. Thuringiensis ва Bacillus thuringiensis var. Kurstaki бактериялари асосида ишлаб чиқилган микробиологик препаратларни тавсия этилган сарф-меъёрда қўллаш мумкин. (Расм).